Gar Ho Na KHafa To Kah Dun Ji Ki

gar ho na KHafa to kah dun ji ki

is dam tumhein yaad hai kisi ki

jo samne ho kahe usi ki

munh dekhi hai baat aarsi ki

phulon ka kabhi na haar pahna

baddhi jo paDi teri chhaDi ki

gul-gir ne kaT kar sar-e-shama

parwane se shab kaTi jali ki

tasbih mein bhi ho tar-e-zunnar

KHatir na shikasta kar kisi ki

aaya shab-e-mah mein wo jo ta-farsh

chadar hui gard chandni ki

sayyaad kabhi tu zabh kar Dal

muD jaegi baD kya chhuri ki

aaina barq mein hai lazim

taswir khinche teri hansi ki

tartib-e-kuhan ki waza ai 'arsh'

hum ne diwan mein nai ki