Dil Salamat Agar Apna Hai To Dildar Bahut
dil salamat agar apna hai to dildar bahut
hai ye wo jins ki jis ke hain KHaridar bahut
ek main hi tere kuche mein nahin hun betab
sar paTakte hain KHabar le pas-e-diwar bahut
dekhiye kis ke lage hath tera gauhar-e-wasl
is tamanna mein to phirte hain talabgar bahut
kahin nargis ko magar tu ne dikhain aankhen
nahin bachte nazar aate hain ye bimar bahut
kya karun kis se kahun haal kidhar ko jaun
tang aaya hun tere hath se dildar bahut
apne aashiq se kiya puchho to kaise ye suluk
aur bhi shahr mein hain tujh se trahdar bahut
tere aate to koi phul na hoga sarsabz
kya hua bagh mein go phule the gulzar bahut
ek din tujh ko dikhaunga main in KHuban ko
dawa-e-yusufi karte to hain izhaar bahut
jurm-e-bosa pe jo 'bedar' ko mara mara
na karo jaane do is baat pe takrar bahut
Meer Mohammadi Bedar 
(363) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544