Kal Wo Jo Pa-e-shikar Nikla
kal wo jo pa-e-shikar nikla
har dil ho umid-war nikla
jine ki nahin umid hum ko
tir us ka jigar ke par nikla
hum KHak bhi ho gae par ab tak
dil se na tere ghubar nikla
jon baam pe be-naqab ho kar
wo mah-ruKH ek bar nikla
us roz muqabil us ke KHurshid
nikla bhi to sharmsar nikla
gham-KHwar ho kaun ab hamara
jab tu hi na gham-gusar nikla
the jis ki talash mein hum ab tak
pas apne hi wo nigar nikla
har-chand mein ki sarishk bari
par dil se na ye buKHar nikla
'bedar' hai KHair to ki shab ko
jun shama tu ashk-bar nikla
guzra hai KHayal kis ka ji mein
aisa jo tu be-qarar nikla
Meer Mohammadi Bedar 
(363) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544