KHirqa Rehn-e-sharab Karta Hun
KHirqa rehn-e-sharab karta hun
dil-e-zahid kabab karta hun
nala-e-atishin se yak dam main
dil-e-faulad aab karta hun
aah-e-sozan o ashk-e-gul-gun se
kar-e-barq-o-sahab karta hun
dagh-e-sozan-e-ishq se dil ko
chashma-e-aftab karta hun
barq ko bhi sakun hua aaKHir
main hanuz iztirab karta hun
taki 'bedar' us se ho aabaad
KHana-e-dil KHarab karta hun
Meer Mohammadi Bedar 
(301) Peoples Rate This