Mai-o-saqi Hain Sab Yakja Ahahaha Ahahaha
mai-o-saqi hain sab yakja ahahaha ahahaha
ajab aalam hai masti ka ahahaha ahahaha
bahaar aai tuDane phir lage zanjir diwane
hua shor-e-junun barpa ahahaha ahahaha
jin aankhon ne na dekha tha kabhi yak ashk ka qatra
chale hain us se ab dariya ahahaha ahahaha
mere ghar is hawa mein saqi-o-mutrib agar hote
to kaise mai-kashi karta ahahaha ahahaha
kiya 'bedar' se aashiq ko tu ne qatl ai zalim
koi karta hai kaam aisa ahahaha ahahaha
Meer Mohammadi Bedar 
(307) Peoples Rate This