Nahin Aaram Ek Ja Dil Ko
nahin aaram ek ja dil ko
aah kya jaane kya hua dil ko
ai butan mohtaram rakho is ko
kahte hain KHana-e-KHuda dil ko
le to jate ho mehrban lekin
kijo mat aap se juda dil ko
munh na phera kabhi jafa se teri
aafrin dil ko marhaba dil ko
ye tawaqqoa na thi hamein hargiz
ki dikhaoge ye jafa dil ko
hain yahi Dhang aap ke to KHair
kyun na phir dijiyega aa dil ko
aaKHir us tifl-e-shoKH ne dekha
TukDe jun shisha kar diya dal ko
aaj lagti hai kuchh baghal KHali
kaun sine se le gaya dil ko
hum to kahte hain tujh ko ai 'bedar'
kijo mat us se aashna dil ko
Meer Mohammadi Bedar 
(412) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544