Yun Mujh Pe Jafa Hazar Kijo
yun mujh pe jafa hazar kijo
par ghair ko to na pyar kijo
karte ho tum wafa ki baaten
par hum se Tuk aankhen chaar kijo
aajaiyo yar ghar se jaldi
mat kushta-e-intizar kijo
qasdan to kahan pa bhule hi se
idhar bhi kabhu guzar kijo
koi baat hai tujh se dil phire ka
is ko to mat e'tibar kijo
'bedar' tu is jahan mein aa kar
jo chahe so mere yar kijo
par jis se gire kisu ke dil se
wo kaam na iKHtiyar kijo
Meer Mohammadi Bedar 
(319) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544