Ghamza-e-chashm Sharmsar Kahan
ghamza-e-chashm sharmsar kahan
sar to hazir hai tegh-e-yar kahan
gul bhi karta hai chaak apna jaib
par gareban sa tar tar kahan
ho ghazalon ko us se ham-chashmi
tikhi chitwan kahan KHumar kahan
andalibon ne gul ko gher liya
ek jewDa kahan hazar kahan
ek din ek shaKHs ne puchha
mir sahab tumhaara yar kahan
main ne us se kaha ki sun bhai
ab mujhe us talak hai bar kahan
gah-gahe salam karta hai
par wo baaten kahan wo pyar kahan
zindagi tak sitam to sah le 'soz'
phir to ye zulm bar bar kahan
Meer Soz 
(518) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544