Apni Misal Aap Hai Wo Be-misal Hai
apni misal aap hai wo be-misal hai
ye dekhna hai kaun mera ham-KHayal hai
har qahqahe mein dard ke sagar hain tah-nashin
diwana dekhne mein to aasuda haal hai
kab sabza-e-nishat hai aasuda-e-nazar
har samt surKH surKH salibon ka jal hai
patthar ba-dast milta hai har shaKHs shahr mein
aaina ban gae hain to bachna muhaal hai
barbaadi-e-hayat pe 'mahwar' hun KHush bahut
barbaadiyon ka meri unhen bhi KHayal hai
Mehwar Noori 
(633) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544