Dil Mein Umang Aankhon Mein Hasrat Liye Phirun
dil mein umang aankhon mein hasrat liye phirun
main shahr shahr teri mohabbat liye phirun
ruswaiyon ke KHauf se KHamoshiyon ke sath
main dil mein tere pyar ki lazzat liye phirun
jachta nahin hai koi nigahon mein in dinon
har-pal tere KHayal ki nudrat liye phirun
ubhrega tere lab se kabhi harf-e-dosti
dil mein is intizar ki hasrat liye phirun
'mahwar' samaaton ke mile band dar mujhe
honTon pe apne harf-e-shikayat liye phirun
Mehwar Noori 
(414) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544