Din Judai Ka Diya Wasl Ki Shab Ke Badle
din judai ka diya wasl ki shab ke badle
lene the ai falak-e-pir ye kab ke badle
rahat-e-wasl kisi ko to kisi ko gham-e-hijr
sabr KHaliq ne diya hai mujhe sab ke badle
itni si baat pe bigDe hi chale jate ho
le lo tum bosa-e-lab bosa-e-lab ke badle
furqat-e-yar mein jine ke uThae ilzam
maut aai na mujhe hijr ki shab ke badle
aaj aghyar 'wafa' se na ulajh baiThe hon
taur aate hain nazar bazm-e-tarab ke badle
Mela Ram Wafa 
(351) Peoples Rate This