Diya Rashk Aashufta-haalon Ne Mara
diya rashk aashufta-haalon ne mara
tere husn par marne walon ne mara
kabhi dil ka matam kabhi aarzu ka
mujhe nit-nae marne walon ne mara
hua KHun sine mein dil hasraton se
tamannaen ban kar KHayalon ne mara
tera hi KHayal un ko aaThon pahar hai
mujhe mere hi ham-KHayalon ne mara
wahi hai agar ai wafa nazm-e-hasti
to kya marka marne walon ne mara
Mela Ram Wafa 
(393) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544