Iltifat-e-am Hai Wajh-e-pareshani Mujhe
iltifat-e-am hai wajh-e-pareshani mujhe
kis qadar mahngi paDi hai un ki arzani mujhe
bahr-e-hasti hai meri nazron mein ek dasht-e-sarab
ret ka hota hai dhoka dekh kar pani mujhe
tere jalwon ka to har ek zarra hai aaina-dar
mane-e-nazzara hai KHud meri hairani mujhe
sai-e-be-hasil thi dil ki koshish-e-iKHfa-e-raaz
kar gai ruswa nigahon ki pareshani mujhe
ya adu-e-bul-hawas ki naz-bardari karo
ya bana lo taKHta-e-mashq-e-sitam-rani mujhe
khul nahin sakti faqat ek aap ke dil ki girah
warna kya kya gutthiyan aati hain suljhani mujhe
kis qadar na-paid hain ahl-e-kamal ab ai 'wafa'
koi apna bhi nazar aata nahin sani mujhe
Mela Ram Wafa 
(482) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544