Mahfil Mein Idhar Aur Udhar Dekh Rahe Hain
mahfil mein idhar aur udhar dekh rahe hain
hum dekhne walon ki nazar dekh rahe hain
aalam hai tere partaw-e-ruKH se ye hamara
hairat se hamein shams-o-qamar dekh rahe hain
bhage chale jate hain udhar ko to ajab kya
ruKH log hawaon ka jidhar dekh rahe hain
hogi na shab-e-gham to qayamat se idhar KHatm
hum sham hi se rah-e-sahar dekh rahe hain
wade pe wo aaen ye tawaqqo nahin hum ko
rah rah ke magar jaanib-e-dar dekh rahe hain
shikwa karen ghairon ka to kis munh se karen hum
badli hui yaron ki nazar dekh rahe hain
shayad ki isi mein ho 'wafa' KHair hamari
barpa jo ye hangama-e-shar dekh rahe hain
Mela Ram Wafa 
(483) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544