Bikhre Bikhre Sahme Sahme Roz O Shab Dekhega Kaun
bikhre bikhre sahme sahme roz o shab dekhega kaun
log tere jurm dekhenge sabab dekhega kaun
hath mein sone ka kasa le ke aae hain faqir
is numaish mein tera dast-e-talab dekhega kaun
la uTha tesha chaTanon se koi chashma nikal
sab yahan pyase hain tere KHushk lab dekhega kaun
doston ki be-gharaz hamdardiyan thak jaengi
jism par itni KHarashen hain ki sab dekhega kaun
shaeri mein 'mir' o 'ghaalib' ke zamane ab kahan
shohraten jab itni sasti hon adab dekhega kaun
Meraj Faizabadi 
(7197) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544