Na Sud Hai Na Ziyan Hasil-e-wafa Kya Hai
na sud hai na ziyan hasil-e-wafa kya hai
wafa-parast na main hun na wo bura kya hai
koi kisi ko batata nahin hua kya hai
chalo unhin se ye puchhen ki majra kya hai
wahi hai ruh wahi jism kuchh nahin badla
KHayal mein nahin aata ki phir naya kya hai
main apne aap se mayus to nahin lekin
jo aks hi na dikhae wo aaina kya hai
mera wajud sarapa jawab hai kis ka
nahin sawal to phir ye sawal sa kya hai
kise qubul karun kis ko an-suna kar dun
ye aati jati sadaon ka silsila kya hai
na KHud milega na mujh ko kabhi bulaega
is aane jaane mein waise bhi ab raha kya hai
wo mere pas bhi hai mehrban bhi hai mujh par
faqat KHayal hai mera KHayal ka kya hai
Midhat-ul-Akhtar 
(387) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544