Raat KHud Par Ro Rahi Hai
raat KHud par ro rahi hai
subh shayad ho rahi hai
tu use aa kar jaga ja
hasrat-e-dil so rahi hai
kis ki aamad hai jo kab se
chandni ghar dho rahi hai
tuKHm-e-tanhai mohabbat
kisht-e-dil mein bo rahi hai
be-sabab kab thi udasi
wajh bhi kuchh to rahi hai
un se kah pai kahan main
baat dil mein jo rahi hai
jaane kyun dil hai pareshan
jaane kya shai kho rahi hai
Minu Bakshi 
(473) Peoples Rate This