Ashk Aankhon Mein Kab Nahin Aata
ashk aankhon mein kab nahin aata
lohu aata hai jab nahin aata
hosh jata nahin raha lekin
jab wo aata hai tab nahin aata
sabr tha ek monis-e-hijran
so wo muddat se ab nahin aata
dil se ruKHsat hui koi KHwahish
girya kuchh be-sabab nahin aata
ishq ko hausla hai shart arna
baat ka kis ko Dhab nahin aata
ji mein kya kya hai apne ai hamdam
par suKHan ta-ba-lab nahin aata
dur baiTha ghubar-e-'mir' us se
ishq bin ye adab nahin aata
Mir Taqi Mir 
(844) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544