Dekhega Jo Tujh Ro Ko So Hairan Rahega
dekhega jo tujh ro ko so hairan rahega
wabasta tere mu ka pareshan rahega
wada to kiya is se dam-e-subh ka lekin
us dam tain mujh mein bhi agar jaan rahega
munim ne bana zulm ki rakh ghar to banaya
par aap koi raat hi mehman rahega
chhuTun kahin iza se laga ek hi jallad
ta-hashr mere sar pe ye ehsan rahega
chimTe rahenge dasht-e-mohabbat mein sar-o-tegh
mahshar tain KHali na ye maidan rahega
jaane ka nahin shor suKHan ka mere hargiz
ta-hashr jahan mein mera diwan rahega
dil dene ki aisi harakat un ne nahin ki
jab tak jiyega 'mir' pasheman rahega
Mir Taqi Mir 
(514) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544