Gul-o-bulbul Bahaar Mein Dekha
gul-o-bulbul bahaar mein dekha
ek tujh ko hazar mein dekha
jal gaya dil safed hain aankhen
ye to kuchh intizar mein dekha
jaisa muztar tha zindagi mein dil
wohin main ne qarar mein dekha
aable ka bhi hona daman-gir
tere kuche ke KHar mein dekha
tera aalam hua ye roz-e-siyah
apne dil ke ghubar mein dekha
zabh kar main kaha tha marta hun
dam nahin mujh shikar mein dekha
jin balaon ko 'mir' sunte the
un ko is rozgar mein dekha
Mir Taqi Mir 
(504) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544