Hasti Apni Habab Ki Si Hai
hasti apni habab ki si hai
ye numaish sarab ki si hai
nazuki us ke lab ki kya kahiye
pankhuDi ek gulab ki si hai
chashm-e-dil khol is bhi aalam par
yan ki auqat KHwab ki si hai
bar bar us ke dar pe jata hun
haalat ab iztirab ki si hai
nuqta-e-KHal se tera abru
bait ek intiKHab ki si hai
main jo bola kaha ki ye aawaz
usi KHana-KHarab ki si hai
aatish-e-gham mein dil bhuna shayad
der se bu kabab ki si hai
dekhiye abr ki tarah ab ke
meri chashm-e-pur-ab ki si hai
'mir' un nim-baz aankhon mein
sari masti sharab ki si hai
Mir Taqi Mir 
(3112) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544