Jafaen Dekh Liyan Bewafaiyan Dekhin
jafaen dekh liyan bewafaiyan dekhin
bhala hua ki teri sab buraiyan dekhin
teri gali se sada ai kashanda-e-alam
hazaron aati hui chaarpaiyan dekhin
gaya nazar se jo wo garm tifl-e-atish-baz
hum apne chehre pe uDti hawaiyan dekhin
tere visal ke hum shauq mein hon aawara
aziz dost sabhon ki judaiyan dekhin
hamesha mail-e-aina hi tujhe paya
jo dekhin hum ne yahi KHud-numaiyan dekhin
shahan ki kohl-e-jawahar thi KHak-e-pa jin ki
unhin ki aankhon mein phirte salaiyan dekhin
bani na apni to us jang-ju se hargiz 'mir'
laDain jab se hum aankhen laDaiyan dekhin
Mir Taqi Mir 
(499) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544