Kab Talak Ye Sitam UThaiyega
kab talak ye sitam uThaiyega
ek din yunhi ji se jaiyega
shakl taswir-e-be-KHudi kab tak
kaso din aap mein bhi aaiyega
sab se mil chal ki hadse se phir
kahin DhunDa bhi to na paiyega
na mue hum asiri mein to nasim
koi din aur baw khaiyega
kahiyega us se qissa-e-majnun
yani parde mein gham sunaiyega
us ke pa-bos ki tawaqqoa par
apne tin KHak mein milaiyega
us ke panw ko ja lagi hai hina
KHub se hath use lagaiyega
shirkat-e-shaiKH-o-barahman se 'mir'
kaba-o-dair se bhi jaiyega
apni DeDh inT ki jaddi masjid
kisi virane mein banaiyega
Mir Taqi Mir 
(507) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544