KHat Likh Ke Koi Sada Na Usko Malul Ho

KHat likh ke koi sada na us ko malul ho

hum to hun bad-guman jo qasid-e-rasul ho

chahun to bhar ke kauli uTha lun abhi tumhein

kaise hi bhaari ho mere aage to phul ho

surma jo nur baKHshe hai aankhon ko KHalq ki

shayad ki rah-e-yar ki hi KHak dhul ho

jawen nisar hone ko hum kis bisat par

ek nim jaan rakhen hain so wo jab qubul ho

hum in dinon mein lag nahin paDte hain subh-o-sham

warna dua karen to jo chahen husul ho

dil le ke launDe dilli ke kab ka pacha gae

ab un se khai pi hui shai kiya wasul ho

nakaam is liye ho ki chaho ho sab kuchh aaj

tum bhi to 'mir' sahib-o-qibla ajul ho

(372) Peoples Rate This

Your Thoughts and Comments

KHat Likh Ke Koi Sada Na Usko Malul Ho In English By Famous Poet Mir Taqi Mir. KHat Likh Ke Koi Sada Na Usko Malul Ho is written by Mir Taqi Mir. Read famous Poem KHat Likh Ke Koi Sada Na Usko Malul Ho for youth and Student by Mir Taqi Mir. Free Download KHat Likh Ke Koi Sada Na Usko Malul Ho in PDF.