Uske Kuche Se Jo UTh Ahl-e-wafa Jate Hain
us ke kuche se jo uTh ahl-e-wafa jate hain
ta-nazar kaam kare ru-ba-qafa jate hain
muttasil rote hi rahiye to bujhe aatish-e-dil
ek do aansu to aur aag laga jate hain
waqt-e-KHush un ka jo ham-bazm hain tere hum to
dar-o-diwar ko ahwal suna jate hain
jaegi taqat-e-pa aah tu kariyega kya
ab to hum haal kabhu tum ko dikha jate hain
ek bimar-e-judai hun main aaphi tis par
puchhne wale juda jaan ko kha jate hain
ghair ki tegh-e-zaban se teri majlis mein to hum
aa ke roz ek naya zaKHm uTha jate hain
arz-e-wahshat na diya kar to bagule itni
apni wadi pe kabhu yar bhi aa jate hain
'mir' sahab bhi tere kuche mein shab aate hain lek
jaise daryuza-gari karne gada jate hain
Mir Taqi Mir 
(522) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544