Harim-e-dil Mein Thahar Ya Sara-e-jaan Mein Ruk
harim-e-dil mein Thahar ya sara-e-jaan mein ruk
ye sab makan hain tere kisi makan mein ruk
abhi main joD raha hun yaqin ka pyala
tu aisa kar ki abhi kasa-e-guman mein ruk
main tujh ko bandh lun apni ghazal ke sheron mein
KHayal-e-yar zara der mere dhyan mein ruk
bahut si qaus-e-quzah ban rahi hain aankhon mein
ai haft-rang pari meri dastan mein ruk
main apne sheron ka mear kuchh buland karun
mere huruf mein zam ho meri zaban mein ruk
Mirza Athar Zia 
(447) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544