Hum To Hain Hasrat-e-didar Ke Mare Hue Log
hum to hain hasrat-e-didar ke mare hue log
yani ek nargis-e-bimar ke mare hue log
jal gae dhup mein jo un ka shumar ek taraf
kam nahin saya-e-diwar ke mare hue log
tu ne ai waqt palaT kar bhi kabhi dekha hai
kaise hain sab teri raftar ke mare hue log
dekhte rahte hain KHud apna tamasha din raat
hum hain KHud apne hi kirdar ke mare hue log
roz hi KHalq-e-KHuda marti hai ya dobara
zinda ho jate hain aKHbar ke mare hue log
teri dahliz pe iqrar ki ummid liye
phir khaDe hain tere inkar ke mare hue log
Mirza Athar Zia 
(541) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544