Ajab Nashat Se Jallad Ke Chale Hain Hum Aage
ajab nashat se jallad ke chale hain hum aage
ki apne sae se sar panw se hai do qadam aage
qaza ne tha mujhe chaha KHarab-e-baada-e-ulfat
faqat KHarab likha bas na chal saka qalam aage
gham-e-zamana ne jhaDi nashat-e-ishq ki masti
wagarna hum bhi uThate the lazzat-e-alam aage
KHuda ke waste dad us junun-e-shauq ki dena
ki us ke dar pe pahunchte hain nama-bar se hum aage
ye umr bhar jo pareshaniyan uThai hain hum ne
tumhaare aaiyo ai turrah-ha-e-KHam-ba-KHam aage
dil o jigar mein pur-afshan jo ek mauja-e-KHun hai
hum apne zom mein samjhe hue the us ko dam aage
qasam janaze pe aane ki mere khate hain 'ghaalib'
hamesha khate the jo meri jaan ki qasam aage
Mirza Ghalib 
(1367) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544