Dard Se Mere Hai Tujhko Be-qarari Hae Hae

dard se mere hai tujh ko be-qarari hae hae

kya hui zalim teri ghaflat-shiari hae hae

tere dil mein gar na tha aashob-e-gham ka hausla

tu ne phir kyun ki thi meri gham-gusari hae hae

kyun meri gham-KHwargi ka tujh ko aaya tha KHayal

dushmani apni thi meri dost-dari hae hae

umr bhar ka tu ne paiman-e-wafa bandha to kya

umr ko bhi to nahin hai paedari hae hae

zahr lagti hai mujhe aab-o-hawa-e-zindagi

yani tujh se thi ise na-sazgari hae hae

gul-fishani-ha-e-naz-e-jalwa ko kya ho gaya

KHak par hoti hai teri lala-kari hae hae

sharm-e-ruswai se ja chhupna naqab-e-KHak mein

KHatm hai ulfat ki tujh par parda-dari hae hae

KHak mein namus-e-paiman-e-mohabbat mil gai

uTh gai duniya se rah-o-rasm-e-yari hae hae

hath hi tegh-azma ka kaam se jata raha

dil pe ek lagne na paya zaKHm-e-kari hae hae

kis tarah kaTe koi shab-ha-e-tar-e-barshigal

hai nazar KHu-karda-e-aKHtar-shumari hae hae

gosh mahjur-e-payam o chashm-e-mahrum-e-jamal

ek dil tis par ye na-ummid-wari hae hae

ishq ne pakDa na tha 'ghaalib' abhi wahshat ka rang

rah gaya tha dil mein jo kuchh zauq-e-KHwari hae hae

(2045) Peoples Rate This

Your Thoughts and Comments

Dard Se Mere Hai Tujhko Be-qarari Hae Hae In English By Famous Poet Mirza Ghalib. Dard Se Mere Hai Tujhko Be-qarari Hae Hae is written by Mirza Ghalib. Read famous Poem Dard Se Mere Hai Tujhko Be-qarari Hae Hae for youth and Student by Mirza Ghalib. Free Download Dard Se Mere Hai Tujhko Be-qarari Hae Hae in PDF.