Jis Ja Nasim Shana-kash-e-zulf-e-yar Hai
jis ja nasim shana-kash-e-zulf-e-yar hai
nafa dimagh-e-ahuw-e-dasht-e-tatar hai
kis ka suragh jalwa hai hairat ko ai KHuda
aaina farsh-e-shash-jahat-e-intizar hai
hai zarra zarra tangi-e-ja se ghubar-e-shauq
gar dam ye hai wusat-e-sahra shikar hai
dil muddai o dida bana muddaa-alaih
nazzare ka muqaddama phir ru-ba-kar hai
chhiDke hai shabnam aaina-e-barg-e-gul par aab
ai andalib waqt-e-wada-e-bahaar hai
pach aa paDi hai wada-e-dil-dar ki mujhe
wo aae ya na aae pe yan intizar hai
be-parda su-e-wadi-e-majnun guzar na kar
har zarra ke naqab mein dil be-qarar hai
ai andalib yak kaf-e-KHas bahr-e-ashyan
tufan-e-amad aamad-e-fasl-e-bahaar hai
dil mat ganwa KHabar na sahi sair hi sahi
ai be-dimagh aaina timsal-dar hai
ghaflat kafil-e-umr o 'asad' zamin-e-nashat
ai marg-e-na-gahan tujhe kya intizar hai
Mirza Ghalib 
(1827) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544