Nawed-e-amn Hai Bedad-e-dost Jaan Ke Liye

nawed-e-amn hai bedad-e-dost jaan ke liye

rahi na tarz-e-sitam koi aasman ke liye

bala se gar mizha-e-yar tishna-e-KHun hai

rakhun kuchh apni bhi mizhgan-e-KHun fishan ke liye

wo zinda hum hain ki hain ru-shanas-e-KHalq ai KHizr

na tum ki chor bane umr-e-jawedan ke liye

raha bala mein bhi main mubtala-e-afat-e-rashk

bala-e-jaan hai ada teri ek jahan ke liye

falak na dur rakh us se mujhe ki main hi nahin

daraaz-dasti-e-qatil ke imtihan ke liye

misal ye meri koshish ki hai ki murgh-e-asir

kare qafas mein faraham KHas aashiyan ke liye

gada samajh ke wo chup tha meri jo shamat aai

uTha aur uTh ke qadam main ne pasban ke liye

ba-qadr-e-shauq nahin zarf-e-tangna-e-ghazal

kuchh aur chahiye wusat mere bayan ke liye

diya hai KHalq ko bhi ta use nazar na lage

bana hai aish tajammul husain KHan ke liye

zaban pe bar-e-KHudaya ye kis ka nam aaya

ki mere nutq ne bose meri zaban ke liye

nasir-e-daulat-o-din aur muin-e-millat-o-mulk

bana hai charKH-e-barin jis ke aastan ke liye

zamana ahd mein us ke hai mahw-e-araish

banenge aur sitare ab aasman ke liye

waraq tamam hua aur madh baqi hai

safina chahiye is bahr-e-be-karan ke liye

ada-e-KHas se 'ghaalib' hua hai nukta-sara

sala-e-am hai yaran-e-nukta-dan ke liye

(2318) Peoples Rate This

Your Thoughts and Comments

Nawed-e-amn Hai Bedad-e-dost Jaan Ke Liye In English By Famous Poet Mirza Ghalib. Nawed-e-amn Hai Bedad-e-dost Jaan Ke Liye is written by Mirza Ghalib. Read famous Poem Nawed-e-amn Hai Bedad-e-dost Jaan Ke Liye for youth and Student by Mirza Ghalib. Free Download Nawed-e-amn Hai Bedad-e-dost Jaan Ke Liye in PDF.