Us Bazm Mein Mujhe Nahin Banti Haya Kiye
us bazm mein mujhe nahin banti haya kiye
baiTha raha agarche ishaare hua kiye
dil hi to hai siyasat-e-darban se Dar gaya
main aur jaun dar se tere bin sada kiye
rakhta phirun hun KHirqa o sajjada rahn-e-mai
muddat hui hai dawat aab-o-hawa kiye
be-sarfa hi guzarti hai ho garche umr-e-KHizr
hazrat bhi kal kahenge ki hum kya kiya kiye
maqdur ho to KHak se puchhun ki ai laim
tu ne wo gunjha-e-giran-maya kya kiye
kis roz tohmaten na tarasha kiye adu
kis din hamare sar pe na aare chala kiye
sohbat mein ghair ki na paDi ho kahin ye KHu
dene laga hai bosa baghair iltija kiye
zid ki hai aur baat magar KHu buri nahin
bhule se us ne saikDon wade wafa kiye
'ghaalib' tumhin kaho ki milega jawab kya
mana ki tum kaha kiye aur wo suna kiye
Mirza Ghalib 
(1637) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544