Warasta Us Se Hain Ki Mohabbat Hi Kyun Na Ho

warasta us se hain ki mohabbat hi kyun na ho

kije hamare sath adawat hi kyun na ho

chhoDa na mujh mein zoaf ne rang iKHtilat ka

hai dil pe bar naqsh-e-mohabbat hi kyun na ho

hai mujh ko tujh se tazkira-e-ghair ka gila

har-chand bar-sabil-e-shikayat hi kyun na ho

paida hui hai kahte hain har dard ki dawa

yun ho to chaara-e-gham-e-ulfat hi kyun na ho

Dala na be-kasi ne kisi se muamla

apne se khinchta hun KHajalat hi kyun na ho

hai aadmi bajae KHud ek mahshar-e-KHayal

hum anjuman samajhte hain KHalwat hi kyun na ho

hangama-e-zabuni-e-himmat hai infial

hasil na kije dahr se ibrat hi kyun na ho

warastagi bahana-e-begangi nahin

apne se kar na ghair se wahshat hi kyun na ho

miTta hai faut-e-fursat-e-hasti ka gham koi

umr-e-aziz sarf-e-ibaadat hi kyun na ho

us fitna-KHu ke dar se ab uThte nahin 'asad'

us mein hamare sar pe qayamat hi kyun na ho

(775) Peoples Rate This

Your Thoughts and Comments

Warasta Us Se Hain Ki Mohabbat Hi Kyun Na Ho In English By Famous Poet Mirza Ghalib. Warasta Us Se Hain Ki Mohabbat Hi Kyun Na Ho is written by Mirza Ghalib. Read famous Poem Warasta Us Se Hain Ki Mohabbat Hi Kyun Na Ho for youth and Student by Mirza Ghalib. Free Download Warasta Us Se Hain Ki Mohabbat Hi Kyun Na Ho in PDF.