Wusat-e-sai-e-karam Dekh Ki Sar-ta-sar-e-KHak
wusat-e-sai-e-karam dekh ki sar-ta-sar-e-KHak
guzre hai aabla-pa abr-e-guhar-bar hunuz
yak-qalam kaghaz-e-atish-zada hai safha-e-dasht
naqsh-e-pa mein hai tab-e-garmi-e-raftar hunuz
dagh-e-atfal hai diwana ba-kohsar hunuz
KHalwat-e-sang mein hai nala talab-gar hunuz
KHana hai sail se KHu-karda-e-didar hunuz
durbin dar-zada hai raKHna-e-diwar hunuz
aai yak-umr se mazur-e-tamasha nargis
chashm-e-shabnam mein na TuTa mizha-e-KHar hunuz
kyun hua tha taraf-e-abla-e-pa ya-rab
jada hai wa-shudan-e-pechish-e-tumar hunuz
hon KHamoshi-e-chaman hasrat-e-didar 'asad'
mizha hai shana-kash-e-turra-e-guftar hunuz
Mirza Ghalib 
(1171) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544