Gar Yahi Waza Hai Aur Hain Yahi Haihat Nasib

gar yahi waza hai aur hain yahi haihat nasib

to hamein ho chuki bas us se mulaqat nasib

hum lab-e-gor hue KHun-ba-jigar is gham se

karni us ghuncha-dahan se na hui baat nasib

subh har rose isi gham mein hamein hoti hai sham

aah jagenge mere kaun si ab raat nasib

kuchh hamein shikwa nahin jaur se tere hargiz

hum hamesha se hain ai jaan kuchh aafat nasib

masjidon mein phire nit subha phiraate 'hairan'

shaiKH ji par na hui tum ko karamat nasib