Kal Humse Mulaqat Mein Wo Yar Jo Ki Bahs
kal hum se mulaqat mein wo yar jo ki bahs
main bhi wahin ek baat mein bezar ho ki bahs
laDte na kisi tarah se us se kabhi hargiz
par kya karun us waqt main lachaar ho ki bahs
laya tha mere dil ki giraftari ka saman
is waste main us se ba-takrar ho ki bahs
samjha ke laga kahne ki aa hum se tu mil ja
main tere liye bar-sar-e-bazar ho ki bahs
'miskin' na jo tu hum se agar dil se milega
kyun tu ne mera misl-e-KHaridar ho ki bahs
Miskeen Shah 
(567) Peoples Rate This