Tasbih Se Gharaz Hai Na Zunnar Se Gharaz
tasbih se gharaz hai na zunnar se gharaz
dil ko faqat hai yar ke didar se gharaz
islam o kufr se to yahan kuchh nahin husul
hum ko nahin hai kafir o din-dar se gharaz
KHuld-e-barin se kaam na tauba ki chhanw se
hum ko hai tere saya-e-diwar se gharaz
aaya hun sair ko tere didar ke liye
zahid se kuchh gharaz hai na mai-KHwar se gharaz
'miskin' sunoge tum ki tah-e-dam mar gaya
rakhta tha dil jo murgh-e-giraftar se gharaz
Miskeen Shah 
(729) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544