Humne Tanha-nashini KHaridi To Hai Raunaq O Shorish-e-anjuman Bech Kar

hum ne tanha-nashini KHaridi to hai raunaq o shorish-e-anjuman bech kar

shama mehrab-e-dil mein jalai to hai aarzuon ka apni kafan bech kar

mutmain hain bahut aaj arbab-e-fan apna sarmaya-e-fikr-o-fan bech kar

jaise aaina rakh de koi mah-wash halqa-e-zulf ka bankpan bech kar

kho gaya dard hangama-e-shahr mein luT rahi hai dukan-e-mata-e-nazar

ab bhi taufiq agar hai to ahl-e-junun baDh ke le lo use jaan o tan bech kar

rut badalti rahi rang uDte rahe kam-nazar baghban kam-nazar hi rahe

ek KHayaban ko sairab karte rahe aabru-e-bahaar-e-chaman bech kar

hai 'faridi' ajab rang-e-bazm-e-jahan miT raha hai yahan farq-e-sud-o-ziyan

nur ki bhik taron se lene laga aaftab apni ek ek kiran bech kar

(445) Peoples Rate This

Your Thoughts and Comments

Humne Tanha-nashini KHaridi To Hai Raunaq O Shorish-e-anjuman Bech Kar In English By Famous Poet Moghisuddin Fareedi. Humne Tanha-nashini KHaridi To Hai Raunaq O Shorish-e-anjuman Bech Kar is written by Moghisuddin Fareedi. Read famous Poem Humne Tanha-nashini KHaridi To Hai Raunaq O Shorish-e-anjuman Bech Kar for youth and Student by Moghisuddin Fareedi. Free Download Humne Tanha-nashini KHaridi To Hai Raunaq O Shorish-e-anjuman Bech Kar in PDF.