Is Be-KHudi Mein RuKHsat KHuddari Ho Gai Hai
is be-KHudi mein ruKHsat KHuddari ho gai hai
mushkil hui jo aasan dushwari ho gai hai
ek dagh-e-dil pe bhi ab apna nahin tasarruf
ye sab zamin goya sarkari ho gai hai
is bojh ki na puchho gaThri hai dil ye jis ko
jitna kiya hai halka kuchh bhaari ho gai hai
shikwa nahin sitam ka par ab ye dekhta hun
tum ko sitamgari ki bimari ho gai hai
koi talab na hasrat kuchh shauq hai na aadat
ab teri yaad meri lachaari ho gai hai
lahje ki pairwi se tapta hai 'mir' koi
wo 'mir' KHatm jis par fankari ho gai hai
Mohammad Aazam 
(1107) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544