Tairta Mauj-e-hawa Sa Aasmanon Mein Kahin
tairta mauj-e-hawa sa aasmanon mein kahin
ek parinda gum hua unchi uDanon mein kahin
main haqiqat hun kisi kirdar mein mujh ko na Dhaal
log dohraen na mujh ko dastanon mein kahin
raat chup hai ikka-dukka chappuon ke saz par
git koi gunjta hai baadbanon mein kahin
raat zaKHmi ho rahi hai lamha lamha mere sath
phaDphaDate hain parinde aashiyanon mein kahin
fan ki masti dekhna bahar hisar-e-harf se
sochna bahta hai dariya saebanon mein kahin
raudna ghoDe ki Tapon se mera baqi badan
aur sar le ja ke phenk aana chaTanon mein kahin
log yakja kar rahe hain 'ramz' meri KHak ko
dekhna phir mujh ko mere qadr-danon mein kahin
Mohammad Ahmad Ramz 
(572) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544