Justuju Teri Tarah Gham Teri Qurbat Kya Hai
justuju teri tarah gham teri qurbat kya hai
sochta rahta hun aaKHir ye mohabbat kya hai
hum ne logon se bahut zikr suna tha lekin
un ko dekha to ye jaana ki qayamat kya hai
wahshi duniya hai tera pyar nahin samjhegi
apne jazbaat dikhane ki zarurat kya hai
ye bhi qudrat ka karishma hai ki duniya mein koi
aaj tak ye na samajh paya ki qudrat kya hai
tu ne duniya ki hawas dil mein basa rakkhi hai
tere iman se baDh kar teri daulat kya hai
ek teri zat se qaem hai wajud insan ka
warna insan ki duniya mein haqiqat kya hai
jism ka husn teri ruh talak hai sahil
ye nahin ho to ye miTTi ki imarat kya hai
Mohammad Ali Sahil 
(643) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544