Ghar Se Bahar Kis Bala Ka Shor Tha

ghar se bahar kis bala ka shor tha

mere ghar mein jaise main KHud chor tha

main ne dil mein jhank kar dekha use

phir usi ka aks chaaron or tha

pahle nacha aur phir rone laga

mera dil bhi jaise koi mor tha

ghar ke andar KHak khane ko na thi

sarhadon par dushmanon ka zor tha

main ne kal raste mein dekha tha use

mujh ko kya malum tha wo chor tha

raat bhar 'alwi' ko main paDhta raha

yar wo shaer to sach-much bor tha