Shagun Le Kar Na Kyun Ghar Se Chala Main
shagun le kar na kyun ghar se chala main
tumhaare shahr mein tanha phira main
akela tha kise aawaz deta
utarti raat se tanha laDa main
guzarte waqt ke pairon mein aaya
sarakti dhup ka saya bana main
KHalaon mein mujhe phenka gaya tha
zamin pe reza reza ho gaya main
mere hone ne mujh ko mar Dala
nahin tha to bahut mahfuz tha main
yahan to aaine hi aaine hain
mujhe DhunDo kahan par kho gaya main
Mohammad Alvi 
(675) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544