KaTti Hai Koi Dam Yahin Auqat Maze Ki
kaTti hai koi dam yahin auqat maze ki
duniya mein ajab ja hai KHarabaat maze ki
kahta hai mubarak koi kahta hai salamat
hai ruTh ke milna bhi mulaqat maze ki
aage to ye chup-chap ka mazkur nahin tha
hoti thi kai Dhab se inayat maze ki
buma hai na gali hai na chashmak-zadani hai
kya hai jo nahin aaj ishaaraat maze ki
hone de KHayal us ka 'nisar' aur taraf Tuk
bose ki laga rakkhi hai main ghat maze ki
Mohammad Amaan Nisar 
(572) Peoples Rate This