Karo Saman Jhule Ka Ki Ab Barsat Aai Hai
karo saman jhule ka ki ab barsat aai hai
ghaTa umDi hai bijli ne chamak apni dikhai hai
agar jhule tu mere dil ke jhule mein to ai zalim
rag-e-jaan se tere jhule ko main rassi banai hai
yahan abr-e-siyah mein aaj tere surKH joDe ne
mujhe sham o shafaq dast-o-gareban kar dikhai hai
idhar hai kirmak-e-shab-tab udhar jugnu gale ka hai
ye aalam dekh kar ye baat mere ji mein aai hai
ba-qaul-e-hazrat-e-'hatim' 'nisar' us waqt yun kahiye
teri qudarat ke sadqe kya tamashe ki KHudai hai
Mohammad Amaan Nisar 
(583) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544