Jihad-e-ishq Mein Hum Aashiqon Ko War Dena
jihad-e-ishq mein hum aashiqon ko war dena
ye qurbani KHuda taufiq de sau bar dena
basarat KHub hai ab munsifi bhi us ki dekho
ab us se aaina le kar use talwar dena
zaban ke zahr ki koi gawahi de na pae
agar bosa diya bhi to pas-e-diwar dena
sune hain tazkire us ke magar dekhi nahin hai
mohabbat pas se guzre to kuhni mar dena
tera miTTi ko miTTi ke liye tayyar karna
use shakkar-bhare lab phul se ruKHsar dena
Mohammad Izhar Ul Haq 
(1491) Peoples Rate This