Fawwara
aao chalen fawwara dekhen
pani ka nazzara dekhen
dekh kar manzar pyara pyara
ji KHush ho jae hamara
fawwara hai hauz ke andar
jaise ho talab mein mandar
hauz ke chaaron jaanib gamle
KHub hain qarine se rakkhe
gamlon mein paudon ke patte
aaankhon ko hain tarawat dete
fawware ka ubalna dekho
phir pani ka uchhalna dekho
yun uDte hain pani ke qatre
jaise koi mahtabi chhuTe
paudon pe qatron ka bikharna
patton ka dhul dhul ke nikharna
kaam ye kab ho aur kisi se
bagh ne raunaq pai isi se
'nayyar' dekhne aao tum bhi
aao dil bahlao tum bhi
Mohammad Shafiuddin Nyyar 
(1439) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544