AaKHiri Hichki Pe Hai Nashshe Ki Saghar Jaga
aaKHiri hichki pe hai nashshe ki saghar jaga
pyas ko nind jab aai to samundar jaga
raat bhi din ki tarah meri pareshan guzri
main na jaga to mere KHwab ka paikar jaga
ek aahaT si achanak hui dil ko mahsus
kisi derina tamanna ka muqaddar jaga
subh hote hi KHuda jaane chala jae kidhar
raat-bhar shaKH pe is gham mein gul-e-tar jaga
thartharane lage kyun shish-mahal aap se aap
kya kisi TuTe makan ka koi patthar jaga
lauT aae wahi aawara-o-gum-gashta KHayal
aankh khulte hi nazaron ka samundar jaga
chhoD aaya tha jo main pichhle janam mein 'saib'
zehn mein aaj un armanon ka lashkar jaga
Mohammad Siddiq Saib Tonki 
(614) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544