Jaane Kya Chehre Ki Ab Haalat Hui
jaane kya chehre ki ab haalat hui
aaina dekhe hue muddat hui
aansuon tak dil ne pahuncha di KHabar
raazdari bais-e-shohrat hui
kar liye raushan wahin dil ke charagh
rah mein hail jahan zulmat hui
jam ka kya zikr TuTe saz tak
ek faqih-e-shahr se hujjat hui
yaad ne har zaKHm taza kar diya
KHud KHalish apni jagah lazzat hui
hum rahe bedar un ki yaad mein
un ko apne KHwab se nisbat hui
puchhta tha kaun tere shahr mein
panw ki zanjir se izzat hui
dekh kar un ki nawazish be-karan
aaj 'saib' arz ki himmat hui
Mohammad Siddiq Saib Tonki 
(495) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544