Phulon Ki Chand Taron Ki Mahfil Fareb Hai
phulon ki chand taron ki mahfil fareb hai
rangin haqiqaton mein bhi shamil fareb hai
pani ke madd-o-jazr ko samjha hai zindagi
maujen bhi hain fareb jo sahil fareb hai
rangini-e-hayat ka aalam na puchhiye
har aarzu fareb hai har dil fareb hai
mahsus dil mein dard sa hone laga hai kyun
kya pyar ki nazar mein bhi shamil fareb hai
bas ruk gaya to ruk gaya ulfat ki rah mein
manzil na kar qubul ki manzil fareb hai
un ki nigah-e-lutf hai 'arif' ki zindagi
kya gham agar hayat mein shamil fareb hai
Mohammad Usmaan Arif 
(968) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544